Në pjesën e fundit të serialit të shumëndjekur në mbarë botën, “Designated Survivor”, paraqitet një lider fetar në Turqi, i cili për nga ngjashmëria me ngjarjet e kohëve të fundit në Turqi, aludon për liderin e Lëvizjes “Gylen”.
Skenari e kërkon që presidenti i SHBA në film ta cilësojë klerikun turk si një mendimtar, por jo si një qasje e veçantë e skenarit apo producentëve të serialit në emër të Gylenit, por sepse kështu e kërkon skenari nëse Presidenti turk do të shfaqet aq paradoksal në kërkesat e tij ndaj Shtëpisë së Bardhë.
Gjatë kësaj skene i jepet vend një bisede që zhvillojnë me njëri-tjetrin presidenti i SHBA dhe i atij turk, të cilët takohen në Shtëpinë e Bardhë, lidhur me tentativën për grusht shteti në 15 korrik të vitit të shkuar. Ja cilat janë fjalët që presidenti turk i drejton homologut të tij:
“Ju jeni duke shkelur marrëdhënien e mirë të partneritetit strategjik që ekziston mes dy shteteve, duke mos na e dorëzuar neve terroristin me emër Nuri Shahin, i cili u përpoq të rrëzonte qeverinë e zgjedhur me votë në vendin tonë.”
Ndërkohë që presidenti i Shteteve të Bashkuara ia kthen se “ai është një mendimtar dhe njeri që ia ka dedikuar jetën edukimit,” Nga këto fjali është më se e lehtë të kuptohet se për kë bëhet fjalë dhe analogjia u ngjan shumë e njohur për opinionin publik ndërkombëtar.
Ja se si vijon ky dialog mes dy presidentëve përgjatë këtij takimi:
– Juve duhet t’ju vijë turp që nuk e deportoni Shahinin. Ai duhet të përballet me drejtësinë për armiqësinë karshi shtetit tonë.
– Por për këtë nuk ka asnjë provë të mjaftueshme që ta bëjë fajtor.
– Në vendin tuaj është kështu… Por në vendin tim ai është një vrasje. Ishte një grusht shteti nga i cili humbën jetën plot 97 njerëz të pafajshëm.
– Sipas shërbimeve tona inteligjente grushtin e shtetit e ndërmori një grup brenda ushtrisë turke dhe nuk del asnjë lidhje me Shahinin në këtë mes.
– Keni të dhëna të gabuara! Ju nuk i meritoni më bazat në vendin tonë. Ndoshta duhet menduar që Rusia është një vend më i prirur për bashkëpunim me ne.
Mirëpo, a do të jetë ajo që vijon edhe e ardhmja e klerikut turk, Fethullah Gylen, në Shtetet e Bashkuara? Pas disa minutash, presidenti i Amerikës e fton klerikun turk në Shtëpinë e Bardhë dhe i deklaron se ata janë shpresëplotë se me të ata janë më shpresëplotë lidhur me të ardhmen demokratike të Turqisë, mirëpo alegoria e Gylenit në film i përgjigjet se ai është një aktivist dhe vetëm kaq, ndërsa Presidenti i SHBA i përgjigjet se shteti amerikan e vlerëson figurën e tij, kështu që mund të jetojë i sigurt atje.
Presidenti turk i shqetësuar jashtëzakonisht shumë prej përgjigjeve të marra prej zyrtarëve amerikanë, i thotë Presidentit amerikan se atëherë ai do të mendojë deri edhe tërheqjen e Turqisë nga NATO. Megjithatë, reagimi i ardhur nga ana e homologut amerikan, i cili i thotë se “atëherë ai do ta ftojë Nuri Shahinin në Shtëpinë e Bardhë dhe në praninë e tij do të ftojë edhe mediet dhe do të deklarojë se Shtetet e Bashkuara e mbështesin atë dhe besojnë fort se ai është shpresa e vetme për një Turqi
demokratike,” e bëjnë atë që të hedhë një hap pas e të tërhiqet nga kërkesat e tij.(TemA)