Analisti Fatos Lubonja e sheh menaxhimin e krizës së krijuar nga pandemia e koronavirusit tek numri i testimeve.
I ftuar në “Real Story” në News24, Lubonja tha se Shqipëria është vendi me numrin më të pakët të tamponimeve në Ballkan.
Ai solli shembullin e Venetos vs Milanos, dy vende në Itali, e para me më pak raste dhe e dyta qendër e pandemisë me mijëra të vdekur.
“Unë kam bërë një shkrim sot edhe them titulli është rreziqet që paraqet menaxhimi i krizës me propagandë. Jemi tek tema në fjalë. Kam frikë mos bëjmë propagandë këtu. Unë po i qëndroj fjalës.
Rreziku i madh është pikërisht kjo që ne të themi e kemi kaluar më mirë se shumë vende të tjera domethënë që kemi fituar luftën. Unë nuk i besoj, e di Zaloshnja.
Çdo interpretim ka edhe elementët e vet për t’i besuar apo jo. Kjo ;tamam sa ç’duheshin; më duket sikur është për t’i bërë qejfin Ramës. Kriza ka disa elementë. Këtu iu referuam numrit të vdekjeve. Një nga gjërat që shikoj si menaxhim të krizës është numri i testeve.
Cili është dallimi mes Venetos dhe Milanos që kam sjellë në shkrimin tim? Një virolog që dha shpjegimin tha se nuk ndoqëm këshillën që erdhën nga qendra dhe vendosëm të bëjmë tamponime në masë dhe na rezultuan shumë të infektuar asimpomatikë.
Meqenëse i identifikuan rreth 43% i izoluan nga pjesa tjetër dhe evituan vdekjet. Është një nga faktorët. Edhe Koreja e Jugut kështu ka vepruar. Ne jemi vendi me numrin më pak të tamponimeve në Ballkan”, deklaroi Lubonja.
