Presidenti i Partisë së Lirisë, Ilir Meta, ka depozituar ditën e sotme një tjetër kërkesë në Gjykatën e Posaçme, për zbutje të masës së sigurisë.
Konkretisht Meta, përmes avokatit të tij Kujtim Cakrani, në kërkesën e depozituar në GJKKO, ka kërkuar zëvendësim të masës së sigurisë ‘arrest me burg’ me një masë tjetër sigurie më të butë, si ‘arrest shtëpie’, ‘detyrim paraqitje’, ‘garanci pasurore’ ose ‘ndalim i daljes jashtë shtetit’.
Kujtojmë se ditën e djeshme dosja e ish-çiftit Meta-Kryemadhi kaloi për gjykim pas 7 muajsh seancë paraprake dhe mes akuzave të të pandehurve për mangësi hetimore.
Meta dhe Kryemadhi akuzohen për korrupsion, pastrim parash e fshehje pasurie. Të pandehur edhe Pirro Xhixho, Ema Çoku dhe Fatime Kryemadhi, që kanë kërkuar gjykim të shkurtuar.
Kujtojmë se Ilir Meta ndodhet në paraburgim që prej tetorit të vitit 2024, pasi u arrestua me urdhër të Prokurorisë së Posaçme.
KUSH KALOI DJE PËR GJYKIM
Ilir Meta
Akuzat: Korrupsion, pastrim parash dhe fshehje pasurie
Monika Kryemadhi
Akuzat: Korrupsion, pastrim parash dhe fshehje pasurie
Pirro Xhixho
Akuza: Korrupsion
Fatime Kryemadhi
Akuza: Pastrim Parash
Ema Çoku
Akuza: Pastrim Parash
