Një 34-vjeçare shqiptare është arrestuar pasi këkroi leje qëndrimi në komunën e Faenzës në Itali.
Mediat italiane raportojnë se shqiptarja, ditët e fundit ishte paraqitur në komisariatin e Via San Silvestro në Faenza, ku kishte paraqitur dokumentacionin për marrjen e lejes së qëndrimit.
34-vjeçarja ishte martuar prej disa muajsh me një 45-vjeçar italian. Sipas policisë së Faenxës, ajo ka qenë e dëbuar në janar të vitit 2017, për një periudhë kohore prej 7 vjetësh. Gjithsesi pas kërkesës së shqiptares, Gjykata e Faenzës e zëvendësoi dëbimin e gruas me një gjobë prej 5.000 eurosh të cilën ajo rezulton se nuk e ka paguar.
Përpjekja për të marrë një leje qëndrimi ishte e pasuksesshme dhe policia e emigracionit në Fenza e ka arrestuar shqiptaren, e cila pritet të deportohet.
