Nje 31-vjeçar ka rënë në pranga, pasi ishte në kërkim ndërkombëtar për trafik të lëndëve narkotike, ndërsa do të ekstradohet drejt Italisë. Burime zyrtare nga policia thanë se Arjan Demiri, banues në Tiranë, i eshte caktuar masa e sigurise ‘arrest me burg’ nga Gjykata e Napolit.
NJOFTIMI I POLICISE
Vijon puna për kapjen e shtetasve të shpallur në kërkim ndërkombëtar.
Arrestohen një shtetas me qëllim ekstradimi drejt Italisë.
Shërbimet e Forcës së Posaçme të Operacioneve Speciale dhe Kërkimit në Drejtorinë Vendore të Policisë Tiranë, në vijim të punës për kapjen e shtetasve të shpallur në kërkim ndërkombëtar, kanë bërë kapjen dhe arrestimin e përkohshëm me qëllim ekstradimi drejt Italisë, të shtetasit:
• Arjan Demiri, 31 vjeç, banues në Tiranë.
Pasi Gjykata e Napolit Itali ka caktuar masën e sigurisë “Arrest me burg”, për veprën penale “Trafikimi i lëndëve narkotike” parashikuar nga Neni 74/1, 2 e 3 dhe Dekreti Presidentit Italian me Nr.309/90, Nenet 3 e 4, si dhe ligji Nr.146/2006, datë 20.02.1958, të legjislacionit Penal Italian. Maksimumi i dënimit të mundshëm është 20 vjet burg.
