Kryediplomati turk erdhi në Kosovë me kërkesën për t’i mbyllur shkollat e Gylenit dhe ekstradimin e kundërshtarëve politikë të Erdoganit. Këto dy kërkesa Mevlut Çavushollu ia ka drejtuar Ministrit të Jashtëm Behgjet Pacoll. Përkrahësit e Gylenit nuk besojnë se Kosova do të përsërisë gabimin kur depërtoi gjashtë shtetasit turq.
Një situatë e tillë mund të përsëritet prapë nëse kërkesa e përsëritur e udhëheqësve të Turqisë aprovohet nga Shteti i Kosovës.
Kjo është vërejtur nga porosia që la Ministri i Punëve të Jashtme i Turqisë, Mevlut Çavushollu, me rastin e vizitës së tij në Kosovë. Shefi i diplomacisë turke erdhi me dy kërkesa të qarta në Prishtinë.
Pas kërkesave të tilla të ministrit turk, për T7, përkrahësit e Gylenit kanë thënë se besojmë që institucionet e Kosovës, nuk do t’i nënshtrohet urdhrave të Eredoganit.
Por në Ministrinë e Punëve të Jashtme po e mohojnë se kanë marrë një mesazh të tillë nga i pari i diplomacisë turke.
Kështu thotë këshilltari i ministrit të Punëve të Jashtme, Behgjet Bacolli, Jetlir Zymberi përmes një përgjigje elektronike.
Cavullollu ndryshe ka folur për shkollat e organizatës Marif, që është e lidhur me presidentin turk, Erdogan. Sipas tij, organizata “Marif” synon të hapë shkolla të tjera në Kosovë, nëse i lejohet.
