Një 31 vjeç, person i shpallur në kërkim, është arrestuar nga Policia e Elbasanit pasi pak ditë më parë, ka kanosur me pistoletë dhe ka dhunuar një person. Por pas kapjes, u zbulua se ai kishte përdorur një pistoletë kauçuku për të frikësuar shtetasin A.H.
Njoftimi nga Policia e Elbasanit
Vijon puna për kapjen dhe vënien para përgjegjësisë ligjore të autorëve të veprave penale të ndodhura më parë, si dhe për parandalimin e goditjen e paligjshmërisë.
Specialistët për Hetimin e Krimit në Komisariatin e Policisë Elbasan bënë kapjen e shtetasit E.S,31 vjeç, person i shpallur në kërkim, pasi më datë 29.04.2018, në lagjen Kala, për motive të dobëta, ka goditur me grusht si dhe ka kanosur me armë zjarri pistoletë, shtetasin A.H. Nga veprimet hetimore të kryera rezultoi se shtetasi E.S, e ka kanosur me pistoletë lodër kauçuku. Pas komunikimit me prokurorin ky shtetas do të ndiqet në gjendje të lirë për veprat penale “Dëmtime të tjera me dashje” dhe “Kanosje” .
