Arisa është një ndër emrat më të njohur të muzikës italiane.
Në 2009-ën kur pati kulmin e suksesit, u bë shumë popullore edhe për stilin e saj të veçantë, me flokët e prerë shkurt dhe syze të mëdha.
Por sot Arisa 35-vjeçare nuk njihet më.
Këngëtarja e hitit “Sincerita” ka hequr dorë nga look-u karakteristik, që dukej se rebelohej ndaj trendeve të modës aq shumë të përhapura tek gratë e skenës italiane.
Ka hequr syzet, ka rënë në peshë, shfaqet me flokë të gjatë dhe me buzë të kuqe.
E njohur edhe për autoironinë, Arisa bën shaka për faktin se nuk është përshembull, si Belen Rodriguez. Në një postim në Instagram në gusht, Arisa publikoi foton e Belen-it dhe shkruan:
“Dje bleva këtë fustanin e ri dhe vendosa të bëj një foto që ta shikoni. Ah, nuk dalloni gjë? Bëra shatush tek flokët, dallohet? Dukem tjetër njeri.”
Duket sikur po paralajmëronte shndërrimin që do të vinte.
Shpejt, do të linte pas këtë model flokësh si Kim Jong-un dhe ja ku është, Arisa për të cilën po flasin shumë mediat italiane./anabel
