Të gjithë po flasin për një emër shumë të dëgjuar tashmë në arenën italo-shqiptare.
Po flasin për artistin shqiptar nga Fieri, Ermal Meta i cili triumfoi me më shumë se gjysmën e televotimin nga shtëpia për të marrë çmimin e madh të ‘SANREMO 2018’, edicioni i 68-të.
Reagimet që kanë ardhur nga radhët e politikës kanë qenë të shumta, mbrëmë menjëherë pasi doli fitues i festivalit më të rëndësishëm italian të këngës, Meta është uruar nga ish-ministrja e Mbrojtjes Mimi Kodheli, ish-kryeministri Berisha, kreu i demokratëve Basha, presidenti i vendit Ilir Meta, apo nga shumë persona më pak të njohur por që e dinë vlerën e një çmimi të tillë.
Një prej reagimeve të para nga radhët e politikës
Të vetmit që nuk e kanë uruar (të paktën deri tani) janë kolegët e tij shqiptarë të cilët duket sikur kanë qenë në gjumë kur u dha emri i fituesit.
Një mendim që të vjen për këtë mund të jetë edhe se shumica prej tyre këndojnë në lokale tallava orëve të vona, dhe nuk kishin se si ta ndiqnin një evenimet të tillë në orët kur punojnë.
Jo, por po të ishte një event me ndarje çmimesh ku do ishte Rihanna me shokë e shoqë ato do vërshonin me komente dhe opinione.
Duke ditur edhe këtë gjë që festivalet tona (aq sa kanë mbetur) janë shumë larg cilësisë që ofron ‘SANREMO’ kjo të bën të dyshosh lidhur me reagimet e këngëtarëve tanë.
Gjithsesi le të presim. Fundja sot është e dielë, pushim për shumicën prej tyre. Ndoshta kanë harruar, por do kujtohen.
/AlpeNews.al