Ngjarja është zbuluar nga ministri grek i Mbrojtjes së Qytetarit, Nikos Toskas, gjatë një interviste për televizionin grek ANT1.
“Kemi tre plumba për ty”, shkruhej në letrën kërcënuese që iu dërgua ministrit Kotzias ditën e djeshme. Zarfi nuk përmbante asgjë tjetër, përveç se mesazhit kërcënues. Kjo letër është marrë në dorëzim nga policia greke, e cila ka nisur hetimet për të gjetur personin që e ka dërguar.
Ministri Toskas i ka konsideruar të papranueshme veprime të tilla dhe u bëri thirrje të gjitha forcave politike në Greqi që të sensibilizohen me ministrin Kotzias dhe të dënojnë këtë ngjarje.
Sipas raportimeve nga mediat greke, deri më tani nuk ka ende asnjë pistë hetimore që mund të çojë drejt zbulimit të personit që fshihet pas letrës kërcënuese.
