“Rritja e çmimit të naftës dhe gazit po ndikojnë dhe do të ndikojnë”, kështu u shpreh kreu i Partisë Republikane, Fatmir Mediu gjatë fjalës së tij në Kuvend.
Gjithashtu ai u shpreh se Shqipëria ka taksat më të larta në rajon.
“Sjell në vëmendje disa konstatime të rëndësishme. FMN ka ngritur dyshime për pastrim parash në tregun e pasurive të paluajtshme. Shqipëria u vendos sërish në listën gri për pastrimin e parave. Sot bota është në kërcënimin e pasigurisë ushqimore. Çmimet rriten progresivisht, sado përpiqemi t’i mohojmë ato.Rritja e çmimi naftës dhe gazit ka ndikuar dhe do të ndikojë. Politikat fiskale janë të disfavorshme, kemi taksat më të larta në rajon. Vlerësoj dhe jap mbështetje për çdo marrëveshje të Shqipërisë me çdo kompani amerikane për investime”, tha Mediu.
Gjithashtu referuar projektit Open Balkan, ai tha se çdo nismë duhet të frenojë aksesin e Rusisë dhe Kinës në rajon.
“Nuk jemi të imunizuar nga interesat e Rusisë, ne duhet të flasim dhe të shohim ç’po ndodh në Serbi, Bosnje Hercegovinë , Kosovë dhe në Malin e Zi. Çdo nismë duhet të frenojë aksesin e Rusisë dhe Kinës në rajon, ndryshe kemi vënën në diskutim interesin tonë kombëtar”, tha ai.
