Dy metra mbase jo, po aty te 1.75 po. Gjithë ajo vajzë. Me sy të shkruar e elegante. Kejvina Kthella, vajza që bën pyetjet provokuese te “Xing me Ermalin” dha intervistën e parë që nga dita kur u bë e njohur. Në bisedë e sipër, kur në një moment tha: “Don, në vend të do”, Rudina e komplimentoi dhe e pyeti njëkohësisht nëse theksi dhe e folura e saj e këndshme ishin gegnisht. Po Kejvina mbeti, nuk po e kuptonte më. Nuk e kuptoi as kur Rudina i tha “gegërisht” dhe as kur i tha se po i referohej dialektit gegë.
Kejvina, që deri në ato momente po iste shumë rrjedhshëm, tha se ishte rritur jashtë se disa gjëra nuk i kuptonte. Pasi prezantuesja e pyeti për zonën nga ishte, u përgjigj se vinte nga Lezha. Pra gegnisht kishte qenë duke folur, vetëm se nuk e dinte se si quhej. Dhe thonë pastaj që emigrimi nuk lë plagë të thella…
