Nga Grykshi i Madh në Peqin e deri në Porcari të Italisë, dhimbja është e përbashkët për humbjen e 4 jetëve në një familje, të cilët thuhet se janë helmuar nga monoksidi i karbonit në banesën e tyre.
Një tragjedi që bashkon dy komunitete, dy vende dhe lë pas një mesazh të hidhur për sakrificat e emigracionit dhe jetët e pafajshme të humbura shumë herët.
Gazetari Fatmir Popja ka udhëtuar sot drejt fshatit Grykshi i Madh ku ka pllakuar dhimbja për familjen Kola, ndërsa të afërm dhe fqinj të tyre të pikëlluar kujtojnë viktimat. Kushëriri i Arti Kolës, kryefamiljarittë familjes që humbi jetën, tregon se herën e fundit ata ishin takuar për Vit të Ri.
“Jemi të tronditur. Na vjen keq, e kemi njeriun tonë. Jemi të prekur. Nuk dimë se çka ndodhur. Nuk na e merrte mendja që do të ndodhte kjo gjë. E kam kushëri të parë viktimën. Na ka ardhur keq! Ishte për Vit të Ri për herë të fundit në Shqipëri. U takuam. Kjo ishte hera e fundit. Nuk kishim më kontakte!”, tha ai.
