Në këto ditë festash, jo të gjithë i kanë mundësitë dhe kushtet që të festojnë. Kapiteni i Laçit, Gentian Selmani, ka bërë një gjest për tu komplimentuar, teksa ka dhënë ndihma për fëmijët e qendrës “Zyber Hallulli”, në Tiranë.
Selmani ka shkuar sot pranë qendrës dhe ka dhënë dhurata për fëmijët e kësaj qëndre. Lojtari i Kombëtares së moshave të Shqipërisë, u shpreh i lumtur që arriti t’i gëzojë fëmijët.
“Ndihem shumë i emocionuar dhe shumë i lumtur që arrita t’i gëzoj sadopak këto fëmijë. Shpresoj që e gjithë familja e futbollit t’i ndihmojë këta fëmijë që shumica e kanë pasion futbollin”, tha portieri i kurbinasve.
