4 shqiptarë janë arrestuar në Londër nën akuzën e veprimit si grup i strukturuar kriminal ku merreshin me trafikim kokainë, pastrim parashë dhe falsifikonin dokumente. Gjatë hetimeve policia e Londrës arrestoi Rrustem Dauti, 30 vjeç dhe Fisnik Kurtucai, 32 vjeç, Florian Meshi, 22 vjeç dhe Azem Gashi, 26 vjeç.
Nga operacioni policia sekuestroi 340 mijë paund cash dhe një sasi kokaine me vlerë 400 mijë paund.
Konkretisht në shtëpinë e Rustem Dautit u gjetën 140 mijë paund cash si edhe përzierës droge dhe kokainë, ndërsa në banesën e Fisnik Kurtucajt i gjetën 100 mijë paund.
Gjatë kontrollit të banesës së Florian Meshit u gjet një sasi droge dhe dokumente të falsifikuara , ndërsa Azem Gashi u kap me 4 kile kokainë dhe 100 mijë paund cash.
Operacioni u zhvillua në disa adresa në Londër dhe Essex, pasi hetimeve dhe informacioneve që autoritete kishin marrë. Të katër shqiptarët janë lënë në burg nga gjykata si masë paraprake, ndërsa seanca e radhës u përcaktua për në 12 shkurt.
