222 kilogramë marijuanë e cila vinte nga Shqipëria, është kapur nga policia kufitare malazeze një ditë më parë.
Policia arrestoi dy persona me iniciale N.R. dhe M.J. të cilët dyshohen se dëshironin të transportonin drogën me anije në një vend tjetër.
Drejtoria e Policisë beson se ata kanë prerë zinxhirin e kontrabandës së narkotikëve nga Shqipëria në Mal të Zi.
“Nga kontrolli i mëtejshëm i terrenit pranë anijes, policia lokalizoi dhe arrestoi N.R dhe M.J. Dyshohet se këta dy persona kishin për qëllim transportimin e narkotikëve në një automjet të gjetur gjithashtu afër, në një vend tjetër. Lënda narkotike dhe personat e kapur u dorëzuan oficerëve të policisë së Podgoricë, për juridiksion të mëtejshëm dhe zyrtarët e sektorit për luftën kundër krimit të organizuar dhe korrupsionit u informuan gjithashtu për ngjarjen “.
N.R. dhe M.J. u sollën në prokurorin kompetent me një kallëzim penal për dyshimin e kryerjes së veprës penale të prodhimit, mbajtjes dhe shpërndarjes së paautorizuar të narkotikëve.
