Pak kohë më parë në Tiranë u rrit çmimi i biletës së urbanit nga 30 lekë në 40, me premtimin për më shumë kushte, për të mos pritur në stacione dhe urbanë që nuk i fusnin njerëzit si “sardele”.
Por pak kohë më pas situata është e njëjtë.
Sot qytetarët refuzuan të paguajnë biletën në linjën e autobusëve të Yzberishtit.
Ata u përfshinë në debate të shumta me fatorinon, teksa shkak u bë vonesa përreth një orë e autobusit.
Sipas qytetarëve kjo situatë përsëritet çdo fundjavë me autobusët e kësaj linje, që nuk arrijnë të ruajnë shpeshtësinë e përcaktuar në marrëveshje.
Edhe pse patën shumë debat me fatorinon ata nuk pranuan këtë padrejtësi duke mos paguar çmimin e biletës.
Pavarësisht debateve të shumta, qytetarët ia dolën në rezistencën e tyre, duke mos paguar çmimin e biletës.
