Forcat ruse janë larguar nga qyteti i Çernobilit pas protestave të banorëve.
Kryebashkiaku Yuri Fomichev është shprehur se trupat janë larguar të hënën herët nga qyteti Slavutych. Forcat ruse e pushtuan të shtunën këtë qytet dhe për një kohë të shkurtër arrestuan kryebashkiakun.
Por pushtimi i tyre u protestua nga qindra ukrainas vendas të cilët dolën në rrugë duke mbajtur flamuj dhe ai u lirua më vonë.
Slavutych është shtëpia kryesisht e punëtorëve të nevojshëm për të mirëmbajtur centralin bërthamor të Çernobilit tashmë jashtë funksioni, – vendi i fatkeqësisë bërthamore të vitit 1986.
Ndërkaq, zëvëndëskryeministrja e Ukrainës, Iryna Vereshchuk ka akuzuar Rusinë se ka kryer aktivitete të papërgjegjshme në Çernobil, duke rrezikuar jo pak njerëzit e pafajshëm.
Vereshchuk akuzoi Rusinë për “militarizimin” e vendit dhe transportimin e armëve të vjetra dhe të mirëmbajtura keq pranë tij, të cilat ajo tha se mund të dëmtojnë një anije kontrolli rreth reaktorit të saj të katërt të shkatërruar.
Ajo akuzoi gjithashtu trupat ruse për pengimin e zjarrfikësve për të luftuar një numër zjarresh në zonë.
“Në kontekstin e sigurisë bërthamore, veprimet e papërgjegjshme dhe joprofesionale të ushtarakëve rusë paraqesin një kërcënim shumë serioz jo vetëm për Ukrainën, por për qindra miliona evropianë,” tha ajo.
