Sulmuesi i Tottenhamit Hotspur, Harry Kane është i gatshëm të marrë në konsideratë një ofertë nga Manchester United, sipas burimeve kryesore të Madridit.
Sulmuesi anglez është i preferuari i Real Madridit, por si duket menja e tij është diku tjetër.
Sipas gazetës prestigjioze Marca, sulmuesi anglez po peshon mundësitë nëse do të bashkohet me Manchester Unitedin në verën e këtij viti.
Ai refuzoi një lëvizje në Old Trafford verën e kaluar, pavarësisht se Djajtë e Kuq ishin të etur për të dyfishuar pagën e tij aktuale që e fiton te Tottenhami.
Por tani, me Unitedin të përgatitur për t’i ofruar atij edhe më shumë para, Kane ka gjasa të thyej mendjen dhe të veproj pozitivisht.
Ylli i Anglisë po mendon se a duhet të lëvizë në fund të sezonit – edhe pse e ardhmja e Mauricio Pochettino është çelësi për çdo transferim.
Ndryshe, anglezi i prinë listës së golashënuesve në Ligën Premier deri më tani këtë sezon me 23 gola të shënuara.
Kane gjithashtu është zgjedhur edhe si shënuesi më i mirë në Evropës për vitin që lamë pas, 2017.
