Partia Demokratike, përmes një postimi në rrjetin social Facebook kanë dhënë lajmin e trishtë se kandidatja për deputete, Ardita Gjyla është larguar nga jeta në mënyrë të parakohshme.
Ajo, ka qenë anëtare e Këshillit Bashkiak me siglën e PD-se, anëtare e Kryesisë së degës se PD-se Lushnje, kandidate për deputete dhe drejtuese ne arsim dhe nivele të tjera vendore.
“Në ato kohë të vështira politike e shoqërore kur roli i gruas shihej me dyshim dhe mungesë besimi, Ardita ka marrë përgjegjësi duke përfaqësuar denjësisht gruan dhe PD-ne Lushnje.”, është shkruar në postim.
Partia Demokratike Lushnje i ka shprehur edhe ngushëllimet e thella familjes së saj për këtë humbje të parakohshme.
