Atletico Madrid ka regjistruar fitoren e parë në këtë sezon të kampionatit spanjoll pasi ka mundur 1-0 Rayo Vallecano-n në shtëpi.
Protagonisti i takimit ka qenë Antoine Griezmann, i cili i ka treguar publikut të pranishëm në “Wanda Metropolitano” Kupën e Botës para fillimit të ndeshjes dhe më pas ka shënuar golin që ka vendosur ndeshjen.
Një gol që ka ardhur në minutën e 63-të, me sulmuesin francez që ka befasuar mbrojtësin e miqve me një goditje të shpejtë me të djathtën.
Kaq i ka mjaftuar lojtarëve të Diego Simeone-s për të siguruar fitoren dhe për të shkuar në kuotën e katër pikëve në renditje pas dy javëve të para.
