Një aksident me pasojë një të vdekur ka ndodhur pak minuta më parë në aksin rrugor Elbasan-Librazhd.
Një kamion me targa maqedonase BT 631 DM ka përplasur për vdekje 37 vjeçarin i cili ishte duke kaluar rrugën në vendin e quajtur Labinot Fushë.
Mësohet se viktima është shtetasi Agron Murati, i cili ka ndërruar jetë si pasojë e përplasjes.
Nuk dihen ende shkaqet dhe motivet e ngjarjes. Forca policie kanë nisur hetimet ndërkoh që drejtuesi i kamionit është shoqëruar për në komisariat. Shoferi i kamionit është shtetas maqedonas 26 vjeç.
Njoftimi i policisë:]
Më datë 03.12.2017 në aksin rrugor Elbasan-Librazhd në fshatin Labinot Fushë shtetasi D.S., 26 vjeç banues në Maqedoni duke drejtuar mjetin tip Kamion me targa BT631DM ka aksidentuar këmbësorin, shtetasin A.M., 37 vjeç banues në fshatin Griqan Elbasan i cili ka ndërruar jetë. Drejtuesi i mjetit është shoqëruar në Komisariatin e policisë Elbasan për veprime të mëtejshme.
Grupi hetimor ndodhet në vendngjarje, po kryen veprimet proçeduriale dhe punon për përcaktimin e shkaqeve të aksidentit.