Të paktën nëntë persona mbetën të plagosur nga një sulm vetëvrasës në kryeqytetin e Tunizisë. Siç raportojnë mediat ndërkombëtare, një grua shpërtheu veten me eksploziv në rrugën Habib Bourguiba në qendër të Tunisit.
Ministria e Brendshme e përshkroi shpërthimin pranë Teatrit Komunal si sulm terrorist. Nga raportimet paraprake, nuk flitet për asnjë të vdekur.
Sulmi erdhi pikërisht kur industria e turizmit në Tunizi filloi rimëkëmbjen. Kujtojmë se para tre vitesh pati dy sulme terroriste që shkaktuan vdekjen e dhjetëra turistëve.
