Një skenë e përgjakshme ka ndodhur orët e para të mëngjesit në Brigittenau të Vienës, ku protagonist ishte një shqiptar.
Ai u kap nga policia gjatë një inspektimi policor rreth orës 00:20 të mëngjesit.
20-vjeçari ishte fshehur prapa një ndërtese dhe teksa pa policinë ai i kishte thirrur, duke iu thënë se kishte gjetur një çantë të dyshimtë. Sapo oficerët ishin afruar, ai kishte filluar t’i goditste me grushte.
Në vendngjarje mbetën të plagosur tre policë nga shqiptari “i tërbuar”.
Për të shpëtuar nga dhuna e tij, policia përdori spec piperi për ta verbuar, pasi ndryshe ishte e pamundur që 20-vjeçari të neutralizohej.
Sipas asaj që raportoi policia i arrestuari ishte nën efektin e alkoolit dhe drogës.
