Kandidatja për deputetet e Partisë Socialiste solli si shembull ndryshimet e bëra në rrugën e Kavajës nga kreu i qeverisë Edi Rama në kohën kur ishte kryetar i Bashkisë së Tiranës, për ta përcaktuar atë si një lider me vizion që mendon për të ardhmen.
“Sot doja të flisja për kumbullat e kuqe të rruga e Kavajës,. Në vitin 2000 kur prindërit e mi vendosëm të merrnin një shtëpi te kjo rrugë, ajo rrugë që s’kishte drita, s’kishte trotuare dhe jo më tepër kumbulla të kuqe.
Sot sa herë që shkoj te shtëpia e prindërve të mi, shfrytëzoj korsitë e biçikletave që kryetari i bashkisë i ka ndërtuar për ne dhe bukurinë e kumbullave të kuqe, që kryetari i dikurshëm i bashkisë mbjelli për ne dhe kjo tregon me inovacion, një lider me vizion, një lider që mendon për të ardhmen, që mbjell sot për të korrur nesër. Jam sot për të përfaqësuar PS, sepse kam besim. Jo vetëm ka marrë reformat ë rëndësishme por duhet të vazhdojë t’i marrë ato”, deklaroi Bora Muzhaqi.
