Situata e pandemisë vazhdon të jetë shqetësuese, veçanërisht pas shfaqjes së variantit Omicron, i cili është më transmetues se Delta.
Sipas Organizatës Botërore të Shëndetësisë njihen deri më tani pesë variante të COVID-19, si: Alpha, Beta, Gamma, Delta dhe së fundëmi variant më i ri SARS-CoV-2, i njohur ndryshe Omicron.
Ky variant u zbulua për herë të parë në Afrikën e Jugut më 24 nëntor 2021, dhe më pas u përhapur gjerësisht kudo.
Në vendin tonë, dy rastet e para të infektuarve me Omicron u konfirmuan zyrtarisht më 23 Dhjetor të 2021. I ftuar sot në studion e “Jeto me Orën” ishte epidemiologu Ilir Alimehmeti i cili foli më tepër për situatën në vend.
Ai tregoi se Omicron është një variant më i lehtë se të tjerët dhe ka më pak mundësi për t’u shtruar në spital. Ndër të tjera doktori tregoi se njerëzit nuk duhet të shqetësohen kaq shumë.
“Njerëzit nuk duhet të jenë kaq shumë të shqetësuar por thjesht duhet të tregohen të kujdesshëm duke imunizuar organizmin në mënyrë natyrale ose me anë të sublementeve. Për çdo sëmundje kjo jo vetëm për omicronin, pasi ai si variant është më i shkurtër kalon më shpejt se variantet e tjera prandaj duhet të rrini në shtëpi, kujdesuni për veten dhe mos t’ua ngjisni të tjerëve. Dhe mos u shpërndani shumë nëpër mjek por vetëm tek njëri”, u shpreh epidemiologu.
Doktori tregoi se informacioni i gabuar është shumë problem.
“Kemi një dyndje informacioni dhe kjo i keq-informon njerëzit dhe e bënë situatën shumë të vështirë, edhe rrjetet sociale kanë një ndikim shumë të madh”, u shpreh doktori.
“Vaksina nuk e ndalon transmetimin por vetëm nuk lejon që të shtrohen të gjithë në spital por një pjesë e popullsisë pra ulë rrezikshmërinë. Vaksina duhet të bëhet për shëndetin personal jo për të shkuar turist apo për të pirë kafe. Po punohet për një vaksinë për variantin Omicron por ende nuk kemi asgjë konkrete”, u shpreh Alimehmeti. Doktori tregoi edhe problemet që variantet sjellin në organizëm.
“Që nga vështirësia në frymëmarrje, kujtesa edhe dhimbje të trupit këto janë të zakonshmet” përfundoi Alimehmeti.
