Dy ditë më parë ish kryeministri Sali Berisha nxori një denoncim tek Qytetari Dixhital për një sherr që kishte ndodhur në shkollën ” Eftali Koçi”. Sipas Berishës drejtoresha e shkollës kishte nxjerrë nga flokët mësuesit jashtë nga shkolla.
Drejtoresha e Shkollës i ka komentuar në facebook e Berishës duke i shkruajtur se: Që në asnjë mjedis të shkollës sonë NUK ka ndodhur ndonjë “SHERR” nga unë me mësuesit e shkollës tjetër.
Postimi i Berishës:
Reagimi i drejtoreshës së shkollës:
Pergenjeshtrim i zj Mimoza Guleksi:I nderuar Zoti Berisha,
Jam Mimoza Guleksi personi të cilin e keni akuzuar për ngjarjen e rëndë të ndodhur sipas jush në shkollën “Eftali Koçi”
Ju informoj mbi bazën e fakteve:
– Që në asnjë mjedis të shkollës sonë NUK ka ndodhur ndonjë “SHERR” nga unë me mësuesit e shkollës tjetër.
– Gjithçka paska agravuar dhe duhej të ndërhynte policia apo të mbahej e fshehtë nga media që funksionon si pusteti i katërt, madje nuk mund të fshihet, kur të gjithë janë të pajisur me mjete për rregjistrim dhe filmim. (Ju dispononi të gjitha mundësitë të ta vërtetuar këtë).
– Më akuzojnë për veprimin e rëndë “kapje prej flokësh”. Edukata, parimet dhe vlerat e trashëguara dhe të pasqyruara nuk ma lejojnë një marrëzi të tillë. Ju bëj me dije se në të gjitha 30 vite të punës në arsim në Durrës, në asnjë rast nuk kam shkelur misionin fisnik të arsimtarit. Për faktin që i puth fëmijët në ball që ato të vijnë me dëshirë në shkollë, apo mësuesit të ndjehen të motivuar se punojmë bashkë duke i ndihmuar ata në të gjitha drejtimet në punë dhe mësimdhënie.
Këtë ju e quani shkelje?
– Ju bëj me dije se është e njëjta gjuhë e folur, e trillimeve, shpifjeve, inçizimeve që unë personalisht po i kaloj me besimin që drejtësia do të veprojë.
– Pikërisht ai DAR-i, sot ZVA është i informuar jo për shpifjen në fjalë, por për individin vërtetë të sëmurë që për karrierë çfarë nuk ka bërë dhe po bën, deri në kontroll nga krimi ekonomik, e kërcënim në telefon, familja dhe fëmijët, vendi i punës,etj. për të më hequr nga puna se i prishja punë të paaftëve, që nuk dinë të shkruajnë shqip.
-Kërkoj domosdoshmirisht vërtetësinë e të gjitha akuzave, për të mos paditur personin e gabuar, për shpërndarje të lajmit të rremë.
Me respekt,
Mimoza Guleksi
Përgatiti: AlpeNews.al
