Një 90-vjeçare ka arritur që të marrë diplomën e saj, 71 vjet pasi u regjistrua për herë të parë në kolegj. Ajo është Joyce DeFauw, dikur Joyce Viola Kane.
Gruaja në fjalë e filloi vitin e parë në Northern Illinois University në vitin 1951 për t’u diplomuar në ekonominë shtëpiake (studimi mbi kujdesin dhe menaxhimin e familjes).
Por ajo ka thënë për CNN se këto plane ndryshuan kur takoi një burrë të veçantë në kishë që i vodhi zemrën.
“Shkova në shkollë për tre vjet e gjysmë, por vendosa të largohem pasi e takova”, tha ajo. Burri i veçantë ishte Don Freeman Sr.
Të dy u martuan në vitin 1955 dhe patën tre fëmijë së bashku përpara se Freeman të ndërronte jetë. DeFauw u martua me burrin e saj të dytë të ndjerë, Roy DeFauw. Së bashku ata patën gjashtë fëmijë, duke përfshirë dy grupe binjakësh.
Tjetër rënie për dollarin dhe euron, çfarë ndodh me këmbimin valutor ditën e sotme
Gjatë gjithë viteve, familja e saj u rrit dhe ajo tani ka 17 nipër e mbesa dhe 24 stërnipër. Në 2019, Joyce shfaqi interes për arsimin universitar që la pas. Në vend që të shkonte në kampus për të ndjekur mësimin, ajo e bëri nga ekrani i një kompjuteri në shtëpinë e të moshuarve.
“Ishte kompjuteri im i parë”, tha ajo, duke shtuar: “Fëmijët e mi duhej të më mësonin se si ta përdorja”.
Tani, tre vjet më vonë, ajo mori një diplomë Bachelor të Studimeve të Përgjithshme nga universiteti. Joyce është mirënjohëse që pati mundësinë të kthehej në shkollë dhe të merrte diplomën e saj.
“Është mirë të përfundoni diçka që keni filluar”, tha ajo. Këshilla e saj për ata që mund të jenë në një situatë të ngjashme: “Mos u dorëzoni. E di që mund të jetë e vështirë, por çdo gjë në jetë ka uljet dhe ngritjet e veta”.
