Mesfushori i Juventus-it Blasie Matuidi thotë se ka qenë subjekti i një abuzimi racial gjatë fitores 1-0 të skuadrës së tij në Cagliari të shtunën në Serie A.
Ndeshja u zhvillua dy ditë pasi Verona u dënua duke mbyllur dyert e një pjese të stadiumit dhe me një gjobë pasi një sektor i tifozëve abuzuan 30- vjeçarin.
Mesfushori francez shprehet se njerëzit e dobët mundohet ta shpërqendrojnë me urrejtje.
“Nuk jam një urrejtës dhe më vjen keq për ata që japin shembullin e gabuar,” shprehet Matuidi nëpërmjet faqes së tij në Facebook.
“Sot kam përjetuar racizëm gjatë ndeshjes.
“Futbolli është një mënyrë për të përhapur barazinë, pasion dhe inspirim dhe për këtë jam këtu. Paqe.”
Incidenti në Verona ndodhi më 30 dhjetor, kur Matuidi shënoi golin e parë në fitoren 3-1.
Klubi i Serie A u dënua për thirrjet raciste dhe diskriminuese, që zgjatën rreth 10 sekonda ndaj Matuidi nga një sektor i caktuar i tifozëve vendas në minutën e 5-të.
