Paraqitja komplet utopike e Juventus në 1/8-at e Champions League normalisht që i ka prishur humorit të gjithë shtypit italian.
“Juve ka falur një ndeshje, që në fakt ishte e fituar. Skuadra e Allegri-t pësoi një tronditje psikologjike dhe fizike, që është e pashpjegueshme,” shkruan Gazzetta dello Sport pas barazimit 2-2 të “Zonjës së Vjetër” ndaj Tottenham Hotspur.
Të gjithë me në krye kampionin e botës Sami Khedira-n u kritikuan nga media sportive. “Ai (Khedira) ishte më i keqi në fushë dhe u vinte nga pas mesfushorëve kundërshtarë,” shkruan Gazzetta dello Sport.
“Shumë i turbullt dhe pa ide,” e përshkruan La Stampa mesfushorin gjerman, i cili pas një ore lojë është zëvendësuar për shkak të një problemi muskulor.
Një nga pikat më të dobëta të Juve-s, i cili tani pritet të mungojë edhe në ndeshjen e kthimit.
