Portieri i kombëtares angleze dhe aktualisht portieri i West Ham, Joe Hart, pas përfundimit të seancës stërvitore të së premtes është përballur me 3 hajdutë, të cilët e kanë sulmuar ish-portierin e Torinos duke i vjedhur sendet e tij personale që kishte me vete.
Sipas një dëshmitari që ndodhej në vendin e ngjarjes në atë moment ai deklaron që 3 hajdutët ishin në 2 motor dhe i kishin rrëmbyer telefonin e tij celular, orën e dorës edhe portofolin e tij. Sipas mikut të Joe Hart, ngjarja ka ndodhur në një pikë karburanti, shumë pranë qendrës stërvitore të West Ham. /alpenews.al/