Policia e Dubait është e mirënjohur për flotën e tyre të super-veturave që posedojnë, si Bugatti Veyron, BMW i8 apo Lamborghini Aventador.
Por tani mjeti i tyre i radhës është një “hoverbike”.
Krijuar nga Hoversurf, biçikleta në thelb është një kombinim i një droni, motor dhe helikopter. Sipas departamentit, “hoverbike” mund të arrijë lartësi deri në 5 metra dhe të arrij shpejtësi prej 70 km/orë.
“Hoverbike” mund të mbaj peshë deri në 300 kg dhe të veprojë për rreth 20-25 minuta në energji elektrike.
Mbetet ende e paqartë puna e saj, por departamenti thotë se e sheh si shërbim duke bërë detyrën në trafik dhe duke ndihmuar për të lehtësuar atë.