Lajmi se princi Harry u fejua me aktoren Meghan Markle ka qenë çështja e ditës në median e huaj dhe me shumë gjasa, çështja e muajit.
Harry, 33 dhe Meghan, 36, njoftuan zyrtarisht fejesën dhe bënë daljen e parë publike tek Pallati Mbretëror i Kesington-it, ku Meghan tregoi edhe unazën e fejesës që i dhuroi Harry.
Një unazë me tre diamante zbukuron tani dorën elegante të aktores, që do të bëhet gruaja e ardhshme e “princit Don Zhuan”. Rrethi i unazës është prej floriri dhe është punuar nga argjendarët e pallatit, Cleave and Company.
Meghan u tregoi gazetarëve se propozimi i Harry-t ishte shumë, shumë romantik!
Ata e dhanë lajmin në kopshtin Sunken, i krijuar në nder të princeshës Dajana, në 20-vjetorin e vdekjes së saj, që ishte këtë vit.
Burimi: “Yahoo”
