Një vajzë 5-vjeçare në Rusi është zbuluar nga policia në kushte të tmerrshme, e paushqyer dhe e pa hidratuar.
Vajza e quajtur Lyubov –ose Dashuri, është konsideruar si “Vajza Mogli” e jetës reale.
Raportohet se 5-vjeçarja nuk di të flasë dhe nuk ka asnjë aftësi sociale. Ajo ka jetuar në një apartament të mbushur me mbeturina dhe insekte.
Vajza është gjetur gjysmë e zhveshur ndërsa thuhet se nëna e saj, Irina Garashchenko e kishte braktisur në apartamentin e “qelbur” nga mbeturinat.
Gjendja e apartamentit ishte aq e rënduar saqë policët veshën kostume me mbrojtje nga kimikatet për t’u futur.
Me t’u shpëtuar, ajo piu menjëherë rreth dy litra ujë ndërsa mendohet se vogëlushja mund të mos e ketë parë botën e jashtme qëkur ishte foshnjë.