Ministrja e Arsimit Besa Shahini ka bërë me dije se të gjithë ata nxënës që duan të përsërisin vitin për shkak se mendojnë që nuk kanë marrë njohuritë e duhura, do tu jepet mundësia pa asnjë penalitet.
Sakaq Sahini ka folur dhe për testin e maturës për të cilin tha se do të kryhet, edhe nëse shkollat nuk hapen.
Sipas saj do të ishte e rëndësishme që të bëhen së paku dy javë mësim në shkollë para se të bëhen testet e maturës në mënyrë që nxënësit të bëjnë përsëritje. “Por nëse nuk është e mundur të kthehen në banka shkollore, ne do ta mbyllim vitin duke vendosur një skenar që nuk më pëlqen mua por që kërkon një rishyrtim të procesit të testimit, por ndoshta nuk është e nevojshme që ta përsërisim”, tha ajo. Lidhur me këtë skenar ministrja nuk ka dashur të japë shpjegime pasi sipas saj është ende herët.
Pjesë nga fjala e ministres:
E rëndësishme është të bëhet testi i maturës sepse kjo do tju japë dhe diplomën nxënësve. Aty do të kemi kujdes dhe nuk do të ketë pyetje nga mësimet që janë zhvilluar në kushte shtëpie se nuk ka cilësi të njëjtë në të gjitha shkollat.
Nxënësit do jenë plotësisht gati që të ulen dhe ta bëjnë testin e maturës.
Është e rëndësishme që të bëhen së paku dy javë mësim në shkollë para se të bëhen testet e maturës apsi është e rëndësishme që të bëhen përsëritje.
Kjo varet nga momenti kur task forca të na thotë se jemi ok për të shkuar në shkollë.
Unë shpresoj që nxënësit të rikthehen në bankat e shkollës sepse kjo është e nevojshme që të rikthehen në shkollë dhe nta mbyllim vitin.
Por nëse nuk është e mundur të kthehen në banka shkollore, ne do ta mbyllim vitin duke vendosur një skenar që nuk më pëlqen mua por që kërkon një rishyrtim të procesit të testimit, por ndoshta nuk është e nevojshme që ta përsërisim.
Nuk kemi nevojë që të brengosemi për këtë skenar që tani… ajo që është e rëndësishme është që viti do të mbyllet.
Në rast se prindi mendon se fëmija nuk ka marrë njohuri dhe do që fëmija ta përsërisë vitin do të lejohet ta përsërisë vitin pa u penalizuar. E njëjta gjë do të aplikohet edhe nga vendet e tjera.