Presidenti i Shteteve të Bashkuara të Amerikës, Joe Biden e ka nisur vrullshëm punën në krye të Shtëpisë së Bardhë.
Me të marrë drejtimin e saj, Biden ka dhënë një lajm të mirë për të gjithë vendet e varfëra. Biden ka kërkuar që SHBA t’i bashkohet skemës së COVAX-it për distribuimin e vaksinave kundër COVID-19 dhe në shtetet më të varfra.
Lajmin e ka bërë të ditur këshilltari shëndetësor i tij, Anthony Fauci, duke e konfirmuar vazhdimin e angazhimit amerikan në Organizatën Botërore të Shëndetësisë, pas vendimit të presidentit të mëparshëm, Donald Trump, për ngrirjen e fondeve kësaj organizate.
Sipas tij, pakot e para me vaksina pritet që të mbërrijnë në vendet e varfra duke nisur nga muaji shkurt.
Fauci i ka kërkuar OBSH-së transparencë të plotë në lidhje me misionin e saj për hetimin e origjinës së pandemisë në Ëuhan, me qëllim që në të ardhmen shëndetësia të jetë më e përgatitur për viruset e panjohura.
