Ka rezultuar se qirinjtë, të brendshmet seksi dhe muzika Jazz janë më shumë se klishe romantike – ato mund të funksionojnë vërtet. Sipas një studimi të fundit mbi marrëdhëniet afatgjata, thuhet se çiftet e kënaqura seksualisht praktikojnë rregullisht këto dhe forma të tjera të lojërave paraprake dhe të “ngritjes së humorit”.
Jeta e çifteve të suksesshme seksualisht nuk duket saktësisht si filmat e lehtë dhe romantikë. Ato janë të prirur të eksperimentojnë në forma të ndryshme, duke filluar nga stimulimi anal e deri tek vënia në jetë e fantazive të tyre seksuale, duke përdorur një lodër seksi së bashku. Kështu ato kanë marrëdhënie seksuale dhe orgazma më të shpeshta.
Studimi i publikuar në Gazetën Kërkimore mbi Seksin, përfshinte më shumë se 38,747 çifte në Shtetet e Bashkuara të Amerikës, të cilat kishin një marrëdhënie të paktën 3-vjeçare. Hulumtuesit i kërkuan pjesëmarrësve të vlerësonin kenaqësinë e tyre seksuale në momentin aktual dhe në gjashtë muajt e parë të marrëdhënies. Shumica, rreth 83%, deklaruan që ata ishin kënaqur në fillim. Por, pasioni nuk zbehet kollaj: me shumë se gjysma, rreth 55%, deklaruan se ata ishin aktualisht shumë të kënaqur me jetët e tyre seksuale, ndërkohë që pjesa tjetër e çifteve ndjehej neutrale, ose e pakënaqur.
Çiftet e kënaqura kishin eksperimentuar me një sërë varietetesh.
Për shembull, në mesin e burrave dhe grave të pakënaqur, përkatësisht 33% dhe 45% thanë se ato ose partneri i tyre kishte veshur të brendshme seksi në muajt e fundit. Por, në mesin e çifteve të kënaqur, këto shifra u rritën në 67% dhe 71%. Gjithashtu, përsa i përket përpjekjeve për të provuar një pozicion të ri seksual përqindjet janë përkatësisht: 22% dhe 25% e meshkujve dhe femrave të palumtur, krahasuar me 59% dhe 63% të homologëve të tyre të “ngopur” seksualisht.
Një ‘formë’ tjetër e eksperimentimit ishte dhe ndezja e qirinjve ose ambejnti me pak ndriçim: 23% dhe 20% e meshkujve dhe femrave të kënaqur ‘aprovuan’ seksin e provuar me elementët e sipërpërmendur, përkundrejt 11% dhe 9% të të pakënaqurve.
Një ‘detaj’ i rëndësishëm për t’u përmendur nga studimi është edhe komunikimi në shtrat. Zbuohet se çiftet që komunikojnë kur janë me njëri-tjetrin kanë jetë seksuale më të mirë, edhe pse komunikimi nuk është i gjatë.
Gjithsesi, pavarësisht detajeve të sipërpërmendura, studimi nuk vendos se çfarë është e drejtë dhe çfarë jo! Nuk mund të thuhet me siguri të plotë se qirinjtë apo të brendshmet seksi çojnë në një kënaqësi të plotë seksuale.
“Pothuajse gjysma e çifteve të kënaqura dhe e atyre të pakënaqura lexojnë libra apo revista me artikuj seksualë. Ndryshimi i vetëm është se çiftet e kënaqura shpesh i vënë në praktikë ato që lexojnë” – shprehet Frederick, një nga autorët e studimit.
