Ministri i Mbrojtjes i Ukrainës, Rustem Umerov, deklaroi se Kievi planifikon të propozojë një takim mes presidentit ukrainas Volodymyr Zelensky dhe presidentit rus Vladimir Putin, menjëherë pas përfundimit të negociatave për çështje humanitare.
Në një takim me gazetarët, Umerov theksoi se Ukraina mbetet e përkushtuar ndaj përpjekjeve për paqe dhe se ka mbështetur që në fillim iniciativën amerikane për një armëpushim të plotë.
Ne kemi treguar vazhdimisht gatishmërinë për dialog, por çdo bisedim duhet të zhvillohet pa ultimatume dhe në respekt të plotë për sovranitetin tonë,” deklaroi ai për Kyiv Post.
Negociatat për paqen kanë nisur që në fillim të vitit, me përmendjen e parë publike të një armëpushimi që erdhi nga ish-presidenti amerikan Donald Trump në janar. Deri më tani, bisedimet janë zhvilluar në disa faza dhe vende, përfshirë Jeddah dhe Riad në Arabinë Saudite, ku Ukraina dhe SHBA përcaktuan parimet fillestare të një marrëveshjeje.
Më pas, negociatat vazhduan në Turqi, pa praninë e SHBA-së, ku fokusi u përqendrua në tre çështje: një armëpushim të plotë, masa humanitare si shkëmbimi i të burgosurve dhe kthimi i fëmijëve, si dhe një samit i mundshëm trepalësh mes Zelenskyt, Putinit dhe Trumpit.
