Një valë e dytë e shpërthimit të koronavirusit është “e pashmangshme”, thotë mjeku kryesor i sëmundjeve infektive në SHBA.
Ndërsa koronavirusi vazhdon të përhapet në SHBA me më shumë se 1 milion raste të konfirmuara, Anthony Fauci, drejtori i Institutit Kombëtar të Alergjisë dhe Sëmundjeve Infektive, tha se “mund të jemi para një vjeshte të keqe dhe një dimri të keq” nëse nuk vendosen kundërmasa për të luftuar COVID-19.
Ai tha se përparimi i deritanishëm, mund të zhbëhet nëse shtetet lëvizin shumë shpejt për të zbutur masat e marra deri tani.
Nëse shtetet fillojnë të heqin kufizimet shumë herët, Fauci thotë se ai parashikon që vendi të mund të shihte një rikthim të virusit që do të na kthejë menjëherë në të njëjtën varkë që ishim disa javë më parë, duke shtuar se vendi mund të shohë vdekje të tjera sesa parashikohen aktualisht.
“Nëse jemi të pasuksesshëm, ose para kohe përpiqemi të hapemi dhe kemi shpërthime shtesë që janë jashtë kontrollit, kjo mund të jetë një reagim që na rikthen menjëherë në të njëjtën varkë që ishim para disa javësh”, tha Fauci për CNN.
