Detaje të reja nga ngjarja e rëndë që u shënua këtë mëngjes në Velipojë.
Katër anëtarët e familjes Gjoka, që janë nga Lezha, tre vajza dhe një djalë 11 vjeç kishin shkuar në hotelin e tyre në Velipojë për pushime.
Por shpërthimi i bombolës së gazit ka shkaktuar një zjarr të përmasave të mëdha, duke bërë që ata të pësojnë djegie të shkallës së rëndë.
Sipas infermieres së ambulancës, që foli për mediat, “gjendja e tyre është shumë shumë e rëndë”.
“Kanë djegie 85-90 % të trupit, të gjithë janë një familje. Ngjarja ka ndodhur tek hoteli, janë nga Lezha kanë ardhur tel hoteli i tyre që kanë në Velipojë.
Referimi është bombol gazi. Janë gjetur në gjendje shumë të rëndë, kemi mbërritur ne, zjarrfikësja dhe ambulanca.
Tani dy janë në spitalin e Shkodrës, dy janë nisur me ambulancë. Po presim helikopterin për fëmijën dhe vajzën që janë në gjendje më të rëndë“, tha ajo.
Korespondenti i Panorama, bën me dije se të dëmtuar janë: Alketa Gjoka 30 vjece, Daniela Gjoka 18 vjece, Klarisa Gjoka 15 vjece dhe Enrik Gjoka 11 vjec.
