‘Stamford Bridge’ do të jetë mirëpritëse i ndeshjes interesante në Ligën e Kampionëve mes Chelseat dhe Barcelonës, ku 12 spanjoll mund të zbresin në fushë.
Blutë kanë pesë spanjollë në skuadër, ndërsa në anën tjetër Blaugranat kanë shtatë lojtarë spanjoll.
Cesar Azpilicueta, Marcos Alonso dhe Cesc Fabregas, priret të startojnë, ndërsa Alvaro Morata është pikëpyetja e madhe e Antonio Contes, e i fundit Pedro pritet të jetë në bankë.
Alvaro Morata e Cesc Fabregas. (Photo by David Ramos/Getty Images)
Në anën tjetër Gerard Pique, Sergi Roberto, Jordi Alba, Sergio Busquets dhe Andres Iniesta, pritet të luanë nga minuta e parë.
Aleix Vidal dhe Paco Alcacer mund të jenë në bankë, ndërsa mund të futen gjatë ndeshjes.
Jordi Alba dhe Gerard Pique. (Photo by Shaun Botterill/Getty Images)
Numri 12 mund të duket i madh dhe një rekord në vete, por rekordin e mbanë ndeshja mes Athletic Bilbaos dhe Portos në sezonin 2014/15.
Në atë ndeshej nga minuta e parë startuan 15 futbollistë spanjollë.
Ndeshja zhvillohet sot (e martë) nga ora 20:45.
