Monika Kryemadhi ka deklaruar mbrëmjen e djeshme fill pas protestës së opozitës, se analizat për gazin lotësjellës do I dërgoi jashtë.
Ajo gjithashtu është shprehur se ndihet keq, ka dhimbje në kraharor dhe se disa prej ish deputeteve të LSI kanë pasur të vjella.
E vërteta është se gazi lotësjellës u hodh në protestë, por Monika Kryemadhi dhe LSI janë të vetmit që nuk ndalen me denoncimet dhe ankesat.
Kjo nuk është hera e parë që shohim kryetaren e LSI në një akt “viktimizimi”. Ndonëse mund të jetë një strategji politike nga ana e Kryemadhit, koha e ka vërtetuar që nuk funksionon e tillë.
Çfarë deklaroi ajo pas protestës:
“Me sa duket ia kemi marrë dorën. Efektet do të jenë gjatë natës. Ndjej dhimbje të kraharorit. Do të marrim analiza dhe do t’i çojmë jashtë Shqipërisë për të evidentuar gazin helmues që është hedhur në protestë. Vetëm në këtë mënyrë mund të zbulojmë. Ish-deputetja Kejdi Mehmetaj ka pasur gjendje të vjellash pas marrjes së gazit”, tha Kryemadhi.
Përlotet në studio live: Jemi kërcënuar
“Vajzën e vogël, e kam dërguar në shkollë jashtë me konvikt e izoluar, sepse nuk dua që ajo të rrezikojë, sepse duhet të garantoja jetën e vajzës. Unë jam kërcënuar në rrjetet sociale, e jo vetëm”, u shpreh ajo teksa u përlot në studio.
Kujtojmë se për këtë çështje, bashkeshorti i saj Presidenti Meta u shpreh se nuk kishte dijeni.
/AlpeNews.al
