Shqipëria vitet e fundit është kthyer në një nga destinacionet më të preferuara turistike për turistët e huaj që vizitojnë vendin tonë me kroçera dhe jahte turistike.
Drejtoria e portit të Sarandës bën të ditur për ATSH-në se “në muajt janar-korrik të këtij viti kanë ardhur 800 jahte turistike, 163 tragete turistike dhe 26 kroçera”.
Duhet theksuar që vitet e fundit, gjithnjë e më shumë po marrin një vëmendje të veçantë jahtet luksoze që ndalojnë apo kalojnë nëpër Shqipëri.
Kujtojmë që vitin e kaluar, Saranda mirëpriti atë që konsiderohet si jahti më i madh në botë, ‘Sailing Yacht A’, në pronësi të një rusi.
E gjithë kjo vëmendje ndaj këtij luksi që shfaqet nëpërmjet jahteve apo elementëve të tjerë me shifra mararmendëse demonstrojnë faktin se trendi i pushimeve ne Shqipëri tashmë ka ndryshuar.
Dikur, një vend i njohur për skafet e shumta që transportonin emigrant ilegalë drejt vendeve të Europës, ku Italia mbante rekordin e “mikëpritjes”, tashmë Shqiipëria është kthyer në destiancionin e jahteve luksoze.
Gjithnjë e më shumë pushimet në Shqipëri po shndërrohen në një simbol për të treguar luks, ku fakt janë këto jahte që vite më përpara as mund të imagjinoheshin.
Përgatiti: AlpeNews.al
