Një skaf elektrik, i cili është ndërtuar nga kompania britanike e prodhueseve të makinave “Jaguar” duke përdorur teknologjinë Formula E, ka thyer një rekord të ri botëror.
Jaguar Vector V20E që punon me bateri ka thyer javën e kaluar rekordin botëror teksa arriti një shpejtësi mesatare prej 142 kilometrash në orë, ndërsa garonte në një liqen.
E drejtuar nga themeluesi i Jaguar Vector, Peter Dredge, skafi V20E theu limitet e mëparshme elektrike prej 122 kilometrash në orë të vendosur në vitin 2008.
“Është një nder i madh që ekipi Vector arriti të vendoste një rekord të ri botëror përsa i përket garave të ujit”, u shpreh shefi ekzekutiv i Jaguar, Malcolm Crease.
Skafi V20E është projektuar dhe ndërtuar nga Jaguar Vector në partneritet me partnerin teknik të Jaguar Racing, Williams Advanced Engineering. Për këtë skaf është përdorur teknologjia e zhvilluar në Formula E.
What we've learnt on the track, we've taken to the water. @JaguarVector Racing and @WilliamsAdvEng have broken the outright world and national electric speed records in a battery-powered boat, recording a new average speed of 88.61mph (142.60km/h) #RaceToInnovate pic.twitter.com/48jpOoBO0w
— Jaguar Racing (@JaguarRacing) June 16, 2018
