Ja si mund të komunikoni drejtëpërdrejtë me kryeministrin Rama

Nëse një qytetar kërkon të thërrasë në “interpelancë” kryeministrin Edi Rama, mund ta gjejë rastin përmes platformës online të qeverisë “Për Shqipërinë që duam”.

Kryeministri Edi Rama ka postuar këtë mëngjes në rrjetin social mënyrën sesi duhet proceduar për ta thërritur atë në interpelancë.

Për më tepër lexoni postimin e kryeministrit:

MIRËMËNGJES, dhe ju uroj një ditë të mbarë me këtë demonstrim të radhës se si, çdo anëtar i regjistruar i koalicionit qeverisës me qytetarët, mund të përdorë dritaren “Interpelanca Ime” në Platformën online “Për Shqipërinë që Duam”, për të thirrur në interpelancë Kryeministrin, zv/kryeministren dhe ministrat, njësoj siç e bëjnë deputetët.

Mjafton një numër prej 100 anëtarësh të regjistruar, që për një problem komunitar, për një problem me ndjeshmëri rajonale, për një problem të nxehtë kombëtar mund të kërkojnë interpelancën me cilindo anëtar të kabinetit dhe platforma do të ketë ekranin e vet, ku, në kohë reale do të zhvillohet interpelanca e kërkuar.

Për këto e plot të tjera që do t’i mësoni me një vizitë në Platformën online të Bashkëqeverisjes, mjafton të regjistroheni si pjesëtarë aktivë të Aleancës për Shqipërinë që duam në ëëë.shqiperiaqeduam.al