Qeveria ka vendosur që data 27 nëntor (ditë e hënë) të jetë pushim për administratën, ndërsa do të zëvendësohet me një ditë tjetër pune brenda këtij viti.
Sipas Kodit të Punës në Shqipëri janë 20 ditë pune leje vjetore, apo 28 ditë kalendarike. Ndërsa festa zyrtare numërohen 12.
Ditët kur festat zyrtare përkojnë të dielën, e hëna është ditë pushimi. Megjithatë në Shqipëri bizneset private nuk e respektojnë tërësisht kodin e punës dhe jo të gjithë punonjësit e marrin të plotë lejen vjetore prej 20 ditësh (kryesisht jepen dy javë), ndërsa shumë prej tyre detyrohen të dalin në punë edhe gjatë fundjavës.
Punonjësit e administrates për vitin 2017, kanë 119 ditë pushim gjithsej, po ashtu 28 ditë pushimi në vit, të cilat kanë të drejtë t’i marrin, përveç pushimit që kryen çdo javë, të gjitha të pagueshme. Nëse festa zyrtare bie ditën e pushimit vjetor me pagesë, pushimi vjetor shtyhet.Pushimi vjetor shtyhet kur punëmarrësi, gjatë periudhës së këtij pushimi, ka qenë i shtruar në spital ose ka qëndruar në shtëpi, për shkak sëmundjeje ose aksidenti, të vërtetuar me raport mjekësor.
Gratë shtatëzëna
Nëse gruaja vendos, me dëshirën e saj, të punojë pas periudhës 63 ditore të paslindjes, në marrëveshje me punëdhënësin, për ushqyerjen e fëmijës ka të drejtë që, deri sa fëmija të mbushë 1 vjeç, të zgjedhë: Një pushim të paguar, prej 2 orësh, brenda kohëzgjatjes normale të punës ose kohëzgjatje pune, të reduktuar me 2 orë, me pagë të njëjtë sikur të kishte punuar për kohëzgjatjen normale ditore të punës.
Kalendari i festave për vitin 2017:
01 dhe 02 Janar Festat e Vitit të Ri
14 Mars Dita e Verës
22 Mars Dita e Nevruzit
16 Prill E diela e Pashkëve Katolike & E diela e Pashkëve Ortodokse
17 Prill (E hëna e Pashkëve Katolike & E hëna e Pashkëve Ortodokse)*
01 Maj Dita Ndërkombëtare e Punëtorëve
25 Qershor **Dita e Bajramit të Madh
26 Qershor (E hëna e Bajramit të Madh)*
1 Shtator **Dita e Kurban Bajramit
19 Tetor Dita e Lumturimit të Nënë Terezës
28 Nëntor Dita Flamurit dhe e Pavarësisë
29 Nëntor Dita e Çlirimit
08 Dhjetor Dita Kombëtare e Rinisë
25 Dhjetor Krishtlindjet
Përgatiti: AlpeNews.al
