Ne prindërit jemi në kërkim të vazhdueshëm të lojërave të reja si një mundësi e mirë për të favorizuar zhvillimin e fëmijës, por një vend të rëndësishëm duhet t’i lemë edhe leximit të librave. Studime të ndryshme kanë treguar se leximi i tyre është tepër i rëndësishëm edhe për fetusin gjatë shtatzanisë, një ritual që pas lindjes do të jetë një ndihmë e madhe edhe në zhvillimin gjuhësor.
Cilët janë librat e duhur?
- Nëse ju keni një bebe të vogël të përshtatshëm do të ishin librat me ninulla të ndyshme që do ta ndihmonin të qetësohej para gjumit. Ne disa raste librat me ninulla kanë edhe një figurë që pasi shtypet krijon tingujt. Do t’jua këshillonim.
- Nga mosha 2 vjeçare librat për fëmijë do të jenë të përgatitur me materiale të ndryshme dhe shpesh mund të jenë prej kartoni, mund të përmbajnë edhe lojëra brenda, mund të jenë prej cope dhe madje edhe prej materiali plastik. Të gjitha këto detaje do të ndihmojnë fëmijën të eksplorojë dhe për pasojë zhvillohet. Ai do të shfletojë faqet e librit dhe për pasojë do të kuptojë ndyshimin e materialeve. Gjithashtu edhe librat me kafshë do ta ndihmojnë të njohë mirë ambientin që e rrethon. Fëmijët në këtë moshë tërhiqen nga librat më shumë ilustrime dhe pak fjalë, ata e kanë më të lehtë të përqëndrohen në këtë mënyrë. Në këtë mënyrë fillojnë të njohin dhe shprehin më mirë nevojat që kanë. Librat me përralla do ta ndihmojnë fëmijën të menaxhojë më mirë edhe xhelozinë apo inatin që mund të ndiejë.
- Nga viti i tretë i jetës librat mund të përmbajnë histori më të gjata si një mënyrë për të nxitur fantazinë e tij. Historitë me princesha apo princë në këtë moshë do të nxisin emocionet e fëmijës dhe do ta ndihmojnë të zhvillohet më mirë se ato me lojëra dhe figura të shumta.