Elena Xhina është deputetja që do të zëvendësojë Bujar Muçën në qarkun e Elbasanit. Elena ishte e treta në listën e kandidatëve për deputetë nën siglën e PDIU në qarkun e Elbasanit.
Për 10 vjet ka ushtruar profesionin e avokates, ndërsa për 2 vjet mban postin e nënkryetares së Këshillit të Qarkut Elbasan. Xhina ka vendosur dhe pranuar të kandidojë për PDIU-në, pasi në themel të kësaj force qëndron idealja e atdhetarizmit, bashkimit kombëtar, mbrojtjes së vlerave të kombit dhe zhvillimit ekonomik.
Për zonjën Elena Xhina, PDIU, nuk është vetëm një parti, por është bashkim vlerash njerëzore, dinjteti kombëtar dhe bashkim i vuajtjeve shpirtërore të çamërisë dhe të drejtave të mohuara ndër vite. Para zgjedhjeve, në një intervistë për portalin “vizion.com.al”, ajo thotë se PDIU ka respektuar kuotën gjinore, ndërkohë që ka gjetur mbështetje tek gjinia femërore.
Modeli i saj për një grua politikane është ish kryeministrja britanike Margaret Thaçer.
