Faza e grupeve kualifikuese të Kupës së Botës tani ka përfunduar dhe tetë ekipe nga Evropa kanë siguruar vendin e tyre në turneun e verës së ardhshme në Rusi.
Bashkë me ta do të jenë katër të tjerë, të cilët së pari do të duhet të kapërcejnë një përplasje kundër rivalëve evropianë.
Katër skuadrat me renditjen më të lartë në ranglistën e FIFA-së (në këtë rastë Zvicra, Italia, Danimarka dhe Kroacia) do të përballën kundër njërës nga katër skuadrat me ranglistën më të ulët (Suedia, Irlanda e Veriut, Greqia dhe Irlanda).
Shorti do të hedhet me 17 tetor në Cyrih të Zvicrës, ndërsa ndeshjet e PlayOffit do të luhen me 9 dhe 11 nëntor, ndërsa ndeshjet kthyese me 12 dhe 14 nëntor.
