Për një anëtare të familjes mbretërore, pamja nuk ndjek modën. Ato kanë një libër të veçantë stili të mbushur me rregulla. Askush nuk mund t’i shkelë. Edhe pse duket sikur brezi i ri i ka përshtatur disa rregulla.
Mbretëresha Elizabeth dihet që vlerëson smaltin e thonjve të markës Essie, Ballet Slipper, një nuancë e përkryer diskrete e rozës së butë të bebes. Ajo që ndoshta dihet më pak, është Kate Middleton përdori një nuancë të ngjashme, Nail Polish in Allure të Essie-t, në ditën e saj të dasmës.
Duket se ajo nuancë dhe vetëm ajo qëndron në thonjtë e Mbretëreshës dhe dukeshës kur ato shfaqen në publik, sepse, siç ka shkruar The Sun, kodi mbretëror i veshjes, i ndalon në mënyrë të prerë të përdorin ngjyra shumë të dukshme si e kuqja kur marrin pjesë në ngjarje zyrtare mbretërore.
Duket se dhe Meghan Markle, e dashura e princ Harry-t, është parë me një nuancë të ngjashme në thonj gjatë daljes së tyre në Invictus Games. Ose ajo ka marrë ca këshilla mbretërore, ose ndoshta kjo nuancë është në modë aktualisht.
Megjithatë, për t’u kthyer te familja mbretërore, ajo ka një listë të gjatë me rregulla veshjeje. Edhe George i vogël, duhet të veshë pantallona të shkurtra, sepse për djemtë e vegjël, veshja e pantallonave të gjata, konsiderohet “provinciale”.
Asgjë nga këto nuk duhet të jetë, megjithatë, surprizë për ata, që janë të ndaluar të hanë midhje, që nuk japin kurrë autografë dhe nuk udhëtojnë jashtë Londrës pa një copë torte me çokollatë. Mbretëresha, nëse nuk e keni dëgjuar, është një fanse e kësaj ëmbëlsire.
